Starfsemi ADHD samtakanna sem snýr að fullorðnum með ADHD er í þróun. Stjórn samtakanna er t.d. að kynna sér verkefni, námskeið o.fl. sem reynst hefur vel fyrir fullorðna með ADHD á hinum Norðurlöndunum. Þegar fram líða stundir má búast við fleiri tilboðum hjá samtökunum og e.t.v. útgáfu á fræðsluefni um málefni fullorðinna með ADHD. Því er um að gera að fylgjast með, skrá sig í samtökin og gefa upp netfang og símanúmer sem örugglega er hægt að ná í viðkomandi til að upplýsa alla um starfið og hvað er á döfinni hverju sinni. Stjórn samtakanna vill gjarnan fá ábendingar um hvernig samtökin geta sem best staðið að málefnum fullorðinna með ADHD.
